Арнайы жоба «Кризис жағдайындағы әйел»
COVID-19 короновирус инфекциясының таралуына байланысты екі айға жуық уақыт бойы қазақстандық компаниялар жаңа жағдайда жұмыс істеуде. Біз кәсіпкер және басшылық қызметтегі әйелдерден бизнестің тап болған қиындықтары, пандемия дәуірін олардың қалай еңсеріп жатқаны және өз бизнестерінің келешегі туралы не ойлайтынын сұрадық.
Елдана Ибраева
26 мамыр 2020
Әсел Бейсекеева
Дағдарыс біздегі ең белсенді кезеңге тұспа-тұс келді және бұл тек сатылымға ғана қатысты емес. Жаңа коллекцияларды жөнелту, бірнеше жаңа дүкендер ашу, нарықта жаңа брендтерді іске қосу және таныстыру – осының бәрі сауда түсімінен бөлек дәл қазір дағдарыстан зардап шеккеннің салалардың бір бөлігі. Біздің компаниямызға 80% пайданы бөлшек сауда дүкендері әкеледі. Наурыз – ретейл үшін жылдағы ең белсенді айдың бірі. Ал қазір біздің назарымыз табыста емес, ТЖ режимі мен карантин салдарынан келген шығында болып отыр.
Ең алдымен біз қызметкерлерге қатысты мәселелерді шештік. Сауда нүктелеріндегі сатылымдар тоқтаған соң бізге Қазақстан бойынша 60 шақты дүкеннің қызметкерлеріне байланысты шешім қабылдау қажеттілігі туды. Елде ТЖ жарияланғаннан кейінгі біздің бірінші реакциямыз адамдарды сақтап қалу міндеті болды. Қызметкерлердің бір бөлігін еңбек демалысына жіберіп, еңбекақыларын бірден төледік, себебі қазіргі жағдайда адамдарға қаражаттың қажеттілігін жақсы түсіндік. Екінші – жаңа тауар, жөнелтілген тауарларды карантин жарияланған шекараларда қалып қоймайтындай Қазақстанға жеткізу мәселесі тұрды. Біз көптеген елдермен жұмыс жасайтын болғандықтан бұл оңай болған жоқ.
