2021 жылы Қазақстанда «Әйелдердің еңбегін қолдануға тыйым салатын жұмыстар тізімінің» күші жойылды. Дегенмен қоғамда «әйелдерге» және «ерлерге» арналған мамандықтар туралы таптаурын ой әлі де сақталып келеді. Алайда бүгінгі таңда қыздардың көбі ескі түсініктерге қарсы шығып, мамандық таңдауда жыныс пен гендер емес, ниет, талант және табандылықтың маңызды екенін дәлелдеп жүр.
Manshuq пен Bilim Foundation дайындаған арнайы материалда «Жарқын болашақ» бағдарламасының қатысушылары өз хикаяларымен бөлісті. Олар мамандық таңдау, сенімсіздіктен арылу, өз жолыңды тауып, әлемді өзгертуге қалай ықпал етуге болатыны жайлы сөз қозғайды. Олар гендерлік стереотиптерге қарамастан, әрбір қазақстандық қыз өз арманына жете алатынына сенімді.
Перизат Каримкул
8 сәуір 2025
Қарақат Шыршығұл,18 жаста
Бақытыма орай, мектепте «Жарқын болашақ» бағдарламасы туралы естідім. Осы мүмкіндікті пайдаланып, Петропавлға МАИ мамандығын игеруге бел будым. Әрине, бұл менің арманымдағы мамандық емес, бірақ өте жақын сала. Оған қоса болашақта қосымша білім алып, өзім қалаған салада жұмысымды жалғастыра аламын. Қазір қай салада қызмет еткім келетіні жайлы нақты шешім қабылдадым, бірақ болашақта әскери салаға да баруым мүмкін.
