Біз «Жетісу» туристік компаниясының директоры Елена Бекбоева мен Adili брендінің негізін қалаушы Әсел Әділдің дағдарыс кезінде кәсіптерінің қандай қиындыққа тап болғаны және одан шығудың жолдары туралы монологын жазып алған едік.
Елдана Ибраева
6 тамыз 2020
Елена Бекбоева
Менің кәсібім – туристік агенттік. Алғашқы қиындыққа жылдың басында тап болдық. Қаңтар айынан-ақ сатылымдар мен өтініштер саны күрт азайып кетті, ал ақпан айының ортасында клиенттер броньдарын қайтара бастады. Төтенше жағдай басталысымен біздің қызметіміз толықтай тоқтады: шетел шекаралары жабылып, жұмысымыз біржола тұралап қалды.
Біздің салада жағдай әлі күнге дейін тұрақталған жоқ, шекаралар енді ғана ашылғалы жатыр, халықаралық рейстер жоспарланып қойған, алайда әлі ұшқан жоқ. Әлбетте, ішкі туризм нарығында оларға балама демалыс орындары бар. Мәселен, Алакөл, Ақтау жағалауы сияқты. Біз қазір сол бағытта жұмыс істеуге үйреніп жатырмыз.
Алайда жоғары деңгейде демалып үйреніп қалған туристердің талаптарын қанағаттандыратын отандық қонақ үйлер саусақпен санарлық
