Қазақстанда әйел журналистерді онлайн-зорлық-зомбылықтан қорғауға бағытталған жаңа жоба пайда болды. Оның аясында мамандар құқықтық, психологиялық және цифрлық қауіпсіздік бойынша көмек көрсетеді. «Әділ сөз» қорының жаңа жобасы туралы толығырақ дайджестімізден оқыңыз.
Manshuq 27 қыркүйек 2026
«Әділ сөз» сөз бостандығын қорғау халықаралық қоры Қазақстандағы әйел журналистерді онлайн-қудалау мен цифрлық зорлық-зомбылықтан қорғауға арналған Aiel-qorgan.kz платформасын іске қосты.
Сайт кәсіби қызметіне байланысты кибербуллингке, қоқан-лоқыға, әлеуметтік желідегі қысымға және онлайн-қудалаудың басқа түрлеріне тап болған журналистерге көмек көрсетуге бағытталған. Платформада онлайн-зорлық-зомбылық түрлері, шабуыл кезінде не істеу керегі, цифрлық қауіпсіздік бойынша нұсқаулықтар және құқықтық әрі психологиялық көмек алу жолдары туралы ақпарат жарияланбақ.
Aiel-qorgan.kz ең алдымен әйел журналистерге, редакторларға, блогерлер мен басқа да медиа қызметкерлеріне арналған. Сонымен қатар қор редакциялармен бірлесіп, олардың қажеттіліктеріне сай қауіпсіздік ұсынымдарын әзірлеуді жоспарлап отыр.
«Біздің міндетіміз – онлайн-шабуылға тап болған әйел журналистің жалғыз қалмауына жағдай жасау. Оның қолында нақты әрекет алгоритмі, қолдау алу мүмкіндігі және өзінің қауіпсіздігі маңызды екенін сезінуі қажет», – дейді «Әділ сөз» қорының өкілдері.
Жоба Германияның Қазақстандағы елшілігінің қаржылық қолдауымен жүзеге асырылуда.
КОММЕНТАРИИ
ЧИТАЙТЕ ПО ТЕМЕ
Почему современной гастрономии больше не нужны столицы, сложные блюда и работа 24/7
Мәдина Ералиева және оның қайталанбас дауысы
Жас аналарға көрсетілетін қолдауды тек декрет ұзақтығымен бағалауға бола ма?
