Қазақстанда біраздан бері АИТВ жұқтырған адамдарға көмек көрсету бойынша едәуір жұмыс атқарылып келеді. Осы ретте біз АИТВ жұқтырған әйелдер мен Т-еркектердің қандай құқықтары бар екенін анықтап, көмек алу үшін қайда жүгінуге болатынын білдік.
Мари Романова
24 қыркүйек 2024
2021 жылы Қазақстан «95-95-95» мақсаттары бойынша Декларацияға қол қойды. Ол мақсаттар мынаны қамтиды:
Қазақстандағы «Феминита» феминистік бастамасының «ЛБКТ-әйелдер мен T-еркектердің денсаулық құқығы» жайлы жүргізген зерттеуіне сәйкес, ЛБКТ-әйелдер тобы мен T-еркектер қызметтер кешенінен алынып тасталатын көрінеді. Бұл ретте респонденттердің 42%-ы АИТВ бойынша тегін ем алуға және профилактикаға жүгінуге болатынын білмеген.
Сондықтан біз АИТВ жұқтырған әйелдер мен Т-еркектер қандай құқықтарға ие екенін анықтауды шештік, сонымен қатар қиын жағдайда қайда көмекке жүгінуге болатынын қарастырдық. Тақырыпты ашуға сарапшылар — ЮНЭЙДС-тің Қазақстандағы кеңсесі өкілі Нина Хенке мен ЖИТС бойынша еуразиялық әйелдер желісінің мүшесі Любовь Воронцова көмектесті.
Қазақстандағы АИТВ-ға шалдыққан әйелдер мен еркектерге қандай құқықтарға кепілдік берілген?
Заң бойынша АИТВ жұқтырған әйелдер басқа әйелдермен бірдей құқықтарға ие. Қазақстан Конституциясы олардың білім алуы, қорғауда болуы, қадір-қасиетінің сақталуы, кемсітілмеуі және, әрине, медициналық көмекке қол жеткізуі құқықтарын қамтамасыз етеді. Дегенмен АИТВ жұқтырған әйелдердің шын мәнінде кемсітуге ұшырамай өмір сүруі үшін нақты шаралар қабылдануы қажет.
