Біз әйелдердің бала емізген кезде жүктіліктен қалай сақтанғаны туралы әңгімелерін жазып алдық, сондай-ақ бала емізетін аналарға арналған контрацепцияның қыр-сырын түсіну үшін сарапшының кеңесін сұрадық.
Жазира
«Аяғым ауыр болып жүрген кезде құрбыларым маған: «Ең бастысы, баланы жиі және ұзақ еміз – сонда мүлдем сақтанбасаң да болады», – деп айтқан. Олардың бірі қызын бір жарым жыл емізіп, күйеуімен еш алаңсыз жыныстық қатынасқа түскенін айтты. Кейбір әйелдердің лактация кезінде сақтанбай жүретіні туралы мен бұрын да естігенмін, сондықтан құрбыларымның сөзіне тіпті күмәнім болған жоқ. Босанғаннан кейін алғашқы үш айда бәрі жақсы болды, бірақ содан кейін қайтадан жүкті екенімді білдім. Таң қалдым деу – ештеңе айтпағанмен бірдей.
Гинекологтың қабылдауында болғанда ғана ол менің қаншалықты қателескенімді түсіндірді
Нәтижесінде қазір менің тетелес екі балам бар, мен үнемі сақтанып жүремін және ана болуға дайындалып жатқан қыздардың сауатын ашумен шұғылданамын. Олар менің қателігімді қайталамасын деймін».
