«Manshuq медиасауат сабақтары» атты жаңа арнайы жобада сүйікті авторларымыздың бірі, қазақстандық публицист Мәди Мәмбетов медиасауаттың неліктен маңызды екені туралы айтады.
2016 жылдан 2022 жылға дейін жарық көрген, «Жақсы әлем» (The Good Place) атты тамаша сериалда болмыстың екінші жағына өтіп, сол жерде бұдан былай өлмейтін тіршілігін жалғастырған адамдар тобының кейінгі өмірі туралы айтылады. Кейде ол өте маңызды философиялық тақырыптарды қозғайды және оның негізгі идеясы мынадай деуге болады: қазіргі әлем өте күрделі және онда күнәсіз өмір сүру мүмкін емес. Бұдан былай әркімнің жанын құтқару тіпті діни нормалар мен өсиеттерді ұстану аумағына емес, үнемі қырағы болу мәселесіне қатысты. Қазір ең ауыр күнәға бату оп-оңай.
Медиасауат туралы мәтінді «күнә», «жан» сияқты теологиямен және терминдермен бастау біртүрлі, бірақ біз осылай бастаймыз. Өйткені «Жақсы әлем» сериалының айтқан ескертулері соңғы уақытта өзектілігін жоғалтқан жоқ, тіптен жаңа, өте өткір өзекті жағдайға ие болды. Екінші дүниежүзілік соғыстан, Кариб теңізі дағдарысынан кейінгі соңғы уақыттарда жан-жақты және апатты дағдарысқа әлем кезікпеген еді. Менің замандастарым ондай апатты көрген емес.
Интернет 90-шы жылдары тез тарала бастағанда, пайдаланушылардың көпшілігі жай ғана қуанып, ашылған жаңа мүмкіндіктерге таң қалды. Жаңа медианың рөлін түсінуге тырысқандар, негізінен эйфорияда жүрді. Өйтпеске болмады ғой. Әлемге ақпарат бұрын-соңды болмаған ағынмен, тегін деуге болатын жағдайда, бақылаусыз құйылды: сіз бәрін және барлығын таба аласыз, барлығы туралы оқи аласыз, кез келген әнді тыңдай аласыз, кез келген фильмді көре аласыз және кез келген кітапты оқи аласыз. Энциклопедиялар үлкен кітап сөрелері мен кітапхана оқырманы билеттерінің иелеріне ғана қолжетімді емес, журналисттер мен сарапшылардың мақалалары баспасөзге жазылушылар мен сатып алушылардың меншігі болудан қалды. Бұл ағартушылықтың жаңа дәуірі іспетті еді, білім элитарлығы өткеннің сарқыншағы сияқты көрінді және бәрінен де негізгісі интернет пайдаланушылары бақылауға болмайтын ақпарат мұхитының пайда болуына риза еді, яғни үкіметтер мен элита бұдан былай өз күн тәртібімен жүргізе алмайды, тек қажет деп санайтын нәрсені ғана хабарлап. Интернет әлемдегі демократияның негізгі жолбасшысына айналғандай, автократиялардың мүмкіндігі қалмағандай көрінген.
