Біздің жаңа материалымыздың кейіпкері Татьяна өмірінің көп жылын созылмалы психикалық ауруы бар адамдарға арналған мамандандырылған мекемеде өткізді. Небары үш жыл бұрын ол әрекетке қабілетті деп танылды. Біз Татьянамен әңгімелесіп, оның бұл диагнозды қабыл алып өмір сүруді қалай үйренгенін және оның әлеуметтенуіне не көмектескенін білдік.
Мари Романова
1 тамыз 2023
24 мамыр – Дүниежүзілік шизофрения туралы хабардарлық күні.
Бұл күн 1988 жылы ең күрделі психикалық аурулардың біріне және шизофрениясы бар адамдардың проблемаларына назар аудару үшін белгіленді.
ДДСҰ деректері бойынша әлемде әр сегізінші адамның психикалық ауытқуы бар. Және ең қиын мәселелердің бірі – адамдардың көпшілігі тиімді көмекке қол жеткізе алмайды. Сонымен қатар, қазіргі әлемде психикалық бұзылудың алдын алу мен емдеудің тиімді әдістері бар.
Татьянаның хикаясы
«Мен Қырғызстанның Тоқмақ қаласында дүниеге келдім. Ата-анам жоқ – олар кішкентай кезімде қайтыс болған. Балалық шағым ағамның үйінде өтті, ал 1993 жылы Алматыға қоныс аударып, бастапқыда әйелдер консультациясында медбике болып жұмыс істедім. Психикалық аурулар орталығына алғаш рет 28 жасымда түсіп, сонда төрт жыл өткіздім. Содан кейін созылмалы психикалық бұзылуы бар адамдарға арналған интернатқа түсіп, онда он төрт жыл тұрдым да, 2018 жылы Дербес өмір сүру үйіне көштім. Қазір кір жуу машинисті болып жұмыс істеймін.
