Тәжірибесі – Ақсу ферроқорытпа зауытында 11 жыл
Лауазымы – Ақсу ферроқорытпа зауытының екінші балқыту цехындағы эксперименталды-өндірістік учаскесінің кран жүргізушісі, «Қазхром ТҰК» АҚ-ның филиалы
Зарина Абикенова:
«Техникаға бала күнімнен қызығатынмын. Оның қалай жұмыс істейтіні, қалай құрылғаны және дәлдігі мені таңғалдыратын. Уақыт өте келе өндірісте жұмыс істеу арқылы жақсы нәтижелер көрсетіп, қоғамға пайда әкелуге болатынына көзім жетті. Кран жүргізушісі мамандығына алғаш рет өндірісте кранның қалай жұмыс істейтінін көргенде қызықтым, себебі бұл үлкен күш пен дәлдіктің үйлесімі еді. Шешімді бірден қабылдамадым, бірақ бұл мамандық туралы көбірек білген сайын, оның маған жақын екенін түсіне бастадым. Кранды алғаш рет дербес жүргізу өмірімдегі ең жауапты сәттердің бірі болды. Әлі күнге дейін қолым дірілдеп тұрғаны көз алдымда. Бірақ бұл бір жағынан өзіңмен мақтануға болатын сәттердің бірі еді. Мұндай қуатты техниканы басқарғанда өзімді осы істің білікті маманы сезінемін».
