«Казхроммен» бірге жүзеге асып жатқан арнайы жоба аясында 28 жыл бойы Хромтау қаласындағы Дөң тау-кен байыту комбинатында еңбек етіп келе жатқан Ұлдай Онбаевамен әңгімелестік. Шахтадағы көтергіш машинаны басқарушы Ұлдай бұл мамандықтың қыр-сырымен бөлісіп, жас мамандар жайлы ойы мен армандарымен бөлісті.
Тәжірибесі – Дөң тау-кен байыту комбинатында 28 жыл
Лауазымы – Қазақстан Тәуелсіздігінің 10 жылдығы атындағы шахтаның көтергіш машинасын басқаратын машинист, «Қазхром ТҰК» АҚ-ның филиалы
Әуелде Ұлдай Онбаева еңбек жолын Дөң тау-кен байыту комбинатына қарасты «Мұғалжар» демалыс орталығында еден жуушы болып бастаған болатын. Көп ұзамай Ұлдай жұмыстан шығып, тұрмысқа шықты және араға біраз уақыт салып ана атанды. Сәбилі болу — Ұлдайдың өмірін 180 градусқа өзгерткен сәттердің бірі еді.
Ұлдай жай ғана жұмыс істеп қоймай, жақсы табыс тауып, қолдан келгенше дамып, өз өмірін өзгерткісі келетінін сәбилі болғанда түсінген екен
Ұлдай Онбаева
«Мен ол кезде еден жуушы болып істедім. Бірақ ішімде әрқашан бір орында тұрып қалмасам, биікке ұмтылсам деген ой жүртеін. Өмір бойы еден жуушы болып қалғым келмеді. Алдымен техник-технолог мамандығын меңгердім, кейін оқуымды жалғастыру үшін Орскіге кеттім. Ол кезде қызым әлі кішкентай болатын, сол себепті оны анама қалдыруға тура келді. Кейін комбинат базасында машинистерге арналған курс ашылғанын естіп, бірден жазылдым. Солай енді екі мамандық иесі болып отырған жайым бар».
