2021 жылдың басында әсіресе болашақ туралы ойланғың келеді. Ол қандай болады және ондағы біз қандай болуымыз керек? «Болашақ мамандықтары» арнайы жобасының жаңа материалында біз ХХІ ғасырда табысқа жету үшін қажетті дағдылар туралы әңгіме қозғаймыз.
Технологиялардың дамуымен IT саласына қатысуға мүмкіндік беретін дағдыларды меңгеру қажет деген пікір бар. Алайда, бұл онша дұрыс емес. Университеттегі өткен семестрде мен New Information Technologies курсын оқыдым, онда болашақта қажет болатын дағдылар және оларды меңгеру үшін оқу процесінде бізге не жетіспейтіні туралы айттық. Курс негізінен теориялық болды, ғылыми жарияланымдар мен баяндамаларды талдадық және оларды қалай да түсінуге тырыстық. Менің есімде жазушы, кәсіпкер және бұрын бес компанияда CEO болған Маргарет Хефернанмен жүргізілген, кеңінен таралған бір TED talk қалды. Онда ол қазіргі заманғы және болашақтағы болжауға болмайтын әлемде техникалық емес, адами дағдыларға көбірек көңіл бөлудің неліктен маңызды екені туралы айтты.
Ол бизнестегі және үкімет деңгейіндегі мәселелерді шешудің негізі ретінде қиял мен батылдықты атап көрсетті
«Қазір әлемде болжауға болмайтын көп нәрсе бар, сондықтан бұдан былай рационалды шаблондарға сүйене алмаймыз», - дейді Маргарет және егер адами дағдылардан айырылсақ, онда ағынның ыңғайымен жүретін боламыз.
ХХ ғасырда барлығы базалық дағдыларға негізделді, әр оқу орнында осыны үйрететін, және шындығында оқудың мәнісі де осы еді. XXI ғасырда бейімделгіш болу, өмір бойы оқу, lifelong learning қағидасын іс жүзіне асыру қажет.
